Државен обвинител во Јужноафриканската Република загина како последица на напад со огнено оружје пред судот.
Обвинителот Лонвабо Буи беше застрелан на 15 декември пред магистралниот суд Умлази во провинцијата Квазулу Натал, се вели во соопштението на јужноафриканското национално обвинителство (НПА).
Претседателката на НПА, Шамила Батохи, истакна дека на Јужна Африка и треба подобрување во заштитата на судските службеници и сведоците, и рече дека тие најостро го осудуваат убиството на обвинителот.
Останува да се утврди дали нападот е поврзан со некој случај во кој е вклучен Буи.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.