– Поради Вашите многубројни реакции и сè уште многу големиот интерес за термини за поднесување на барање за виза, од февруари 2022 г. секој месец ќе се применува постапка на лотарија. За таа намена, во февруари за првпат ќе се отвори нов список за регистрирање, кој ќе биде неприкинато отворен за подолг период (најверојатно за околу две недели). Потоа, по случаен избор, со помош на компјутерски управуван генератор во лотариска постапка, од сите регистрации ќе се извлечат оние, на кои ќе им се додели термин за месец март 2022 година, напиша Анке Холштајн на Фејсбук.
Таа најави дека Амбасадата ќе го подобри системот за доделување термини за т.н. визи за Западен Балкан.
Со германската „Регулатива за Западен Балкан“ од први јануари 2021-ва.за државјани од Албанија, Босна и Херцеговина, Косово, Црна Гора, Северна Македонија и Србија, се ововозможи привилегиран пристап до германскиот пазар на трудот. Ова и понатаму важи за секој вид на вработување – независно од признатата квалификација.
Услов за издавање виза останува согласноста од Сојузната агенција за вработување. Законски можни се до 25.000 согласности за една календарска година. Ова приближно одговара на бројката на издадени визи од оваа категорија во 2019 година.