На денешната владина седница донесена е одлука за замрзнување на цените на основните прехранбени производи, информира министерот за економија Крешник Бектеши на својот фејсбук-профил.
Се замрзнуваат цените на лебот, шеќерот, брашното, сончогледовото масло за јадење, трајното млеко, свежото месо и сувомеснатите производи, како и сирењето и урдата.
Во продолжение, го пренесуваме во целост статусот на министерот за економија, Крешник Бектеши.
Се замрзнуваат цените на основните прехранбени производи!На предлог на Министерството за екомија, Владата на денешната седница донесе одлука за замрзнување на цените кои се применувале на 1 декември 2021 година, во трговијата на големо и трговијата на мало на:– леб;– шеќер;– брашно – тип 400;– сончогледово масло за јадење;– трајно млеко со масленост од 2,8%, 3,2% и 3,5%;– свежо месо и сувомеснати производи;– сирење и урдаИсклучени се цените на привремените попусти кои важеле на 1 декември 2021 година.Оваа одлука ќе важи до 31 јануари 2022 година.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.