Од Софија со авион до вечните почивалишта во Студеничани. Посмртните останки на 14 загинати жители на оваа општина се вратија дома. Ги пречекаа илјадници соседи, пријатели и роднини. Ги оплакуваа и се молеа за нив.
Ги превезе владиниот конвој од аеродромот а од домовите до гробиштата ги носеа роднините. Семејството Исени загуби четворица блиски. Се заблагодарија за организацијата и поддршка која ја добиваат, а по одговорите од надлежните што се случи кобниот 23 Ноември ќе тргнат од утре.
И соседното с. Моране е на нозе од изутринава. Таму трагедијата ги погоди уште посилно. Поширокото семејство Јахи погребаа десетмина свои членови, од кои 8 малолетни деца. На погребните церемонии на жртвите од оваа трагична несреќа присуствуваше и поглаварот на Исламската верска заедница, Шаќир еф Фетаху. Говореа и локалните имами, а петочната молитва ја посветија на своите несреќно загинати соседи и роднини.
Општина Студеничани нема да може да ја заборави несреќата во која загинаа 20 нивни сожители. Денеска нивните погледи беа вперени кон небото молејќи се своите блиски.
Велат, се попристуно е и разочарувањето од тоа зошто и како се случила оваа страшна несреќа.
На погребните церемонии им претходеше обдукцијата и идентификацијата која ја заврши мешовит тим ексепрти до Македонија и Бугарија, а истражителите и обвинителите од двете земји во две независни истраги трагаат по причините и пропустите зошто и како се случи сообраќајната несреќа во која изгореа 45 патници во автобус на „Беса Транс“.
Павле Беловски