Македoнијa е преважна за мали соништа, стравот никогаш не ја гради иднината но надежта да, Македонијо од вечерва започнуваш да го живееш нашиот сон, порача лидерот на ВМРО-ДПМНЕ Христијан Мицкоски.
Кажете им на нашите браќа и сестри, од сите краеви на Македонија, ова е денот од кога почуваат промените, промени кон подобро, промени на имиџот на државата, за обединување, за подобар живот и силен стандард. Ова е победа на народот на Македонија, изјави Мицкоски.
Им се заблагодари на сите граѓани кои излегле да гласаат, но и тие кои не излегле, како и на партиите од коалицијата и партиите со кои соработуваа на изборите.
Заедно успеавме да ги победиме, успехот е можен затоа што вербата е сигурна. Благодарност до политичките партии кои нѐ подржаа, како алтернатива, алијанса за албанците, Левица на димитар апасиев, затоа што сите заедно срушивме бариери. Покажавме дека еден широк опозициски фронт е возможен и поставивме основи за идна соработка и идна владина коалиција, врз база на принципи и вредности на спојување и меѓусебна почит и разбирање. Покажавме дека и покрај разликите можеме да се обединиме за една заедничка цел. Македонија без корупција која ќе се развива и оди напред, која ќе се бориме да биде интегрирана во ЕУ, на стабилен систем каков што немаме. Тоа докажува дека еден опозициски блок е речиси сосема извесен и истиот тој ќе донесе голема победа на следните парламентарни избори кои многу е веројатно дека ќе бидат предвремени.