Денеска се комплетира првиот круг од натпреварите во домашниот фудбалски шампионат. Во 11-та рунда бранителот на трофејот Шкендија го пречекува Работнички, кој во Тетово гостува по серија од три натпревари без победа додека домаќинот бара рехабилитација по минатонеделниот пораз од Академија Пандев.
Македонија ЃП им серија од пет дуели без победа и екипата од Ѓорче Петров со новиот тренер Муарем Бајрами пред своите навивачи ќе се обиде да ја прекине лошата серија. Во скоро идентична ситуација е составот на Струга кој исто така во пресрет на денешното гостување во Скопје има низа од четири меча без да го освои целиот плен.
Фудбалерите на Пелистер ја пречекуваат Брегалница и во денешното соочување ќе се обидат да стигнат до првата победа сезонава.
Сите натпревари од денешната програма почнуваат во 14 часот.
ФУДБАЛ – ПМФЛ
11. КОЛО
ШКЕНДИЈА – РАБОТНИЧКИ
МАКЕДОНИЈА ЃП – СТРУГА
ПЕЛИСТЕР – БРЕГАЛНИЦА
СКОПЈЕ – ТИКВЕШ
БОРЕЦ – АКАДЕМИЈА ПАНДЕВ
ВЧЕРА
ШКУПИ – РЕНОВА 2:1
ФОТО: Игор Паневски