На официјалната веб страница на Германската фудбалска федерација е објавена информација во која се известуваат заинтересираните навивачи дека од 29 септември со четврти октомври може да аплицираат за купување на влезници за следење на квалификацискиот натпревар со Македонија во Скопје.
Право да купат билет имаат само членовите на Фан клубот на германската репрезентација, а влезниците се продаваат по цена од пет евра.
Воедно сите оние што ќе купат влезници за следење на натпреварот на арената Тодор Проески се информираат за протоколите за влез на стадионот.
Мечот против Германија во рамките на квалификациите за Светското првенство го играме на 11 октомври, а почетокот е закажан за 20 часот и 45 минути.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.