Манчестер јунајтед го објави трансферот на Рафаел Варан од таборот на Реал Мадрид. Францускиот фудбалер најпрво треба да ги мине медицинските прегледи по што и официјално ќе потпише потгодишен договор со „црвените ѓаволи“.
Варан цели 10 сезони беше дел од шпанскиот гигант, каде пристигна од таборот на Ленс уште кога имаше само 18 години. Тој важи за еден од најдобрите стопери во светот. Стандарден е во француската репрезентација, а во Реал формираше фантастичен тандем со Серхио Рамос, кој летово исто така го напушти клубот и потпиша за ПСЖ.
Премиерлигашот ќе плати обештетување од околу 45 милиони евра за Варан.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.