Коце Трајановски е можен противкандидат на актуелниот Петре Шилегов од СДСМ, кој најави дека ќе се бори за втор мандат. Лидерот на ВМРП-ДПМЕН Мицкоски потврди дека едно од имињата, чиј рејтинг се мери во партијата е поранешниот градоначалник на Скопје, а следната недела ќе соопшти уште 15-тина други имиња.
Едно од имињата кое што се мери на анкетите е и господинот Коце Трајановски , исклучително успешен градоналаник во минатото, изјави Христијан Мицкоски-претседател на ВМРО-ДПМНЕ
ВМРО-ДПМНЕ сега преговара со албански, турски, српски, бошњачки , влашки и со други партии, кои што не се дел од нивната коалиција. Владеачката СДСМ следниве 10 дена ќе биде отворена за коалицирање за локалните избори со ДУИ и ДПА, за постигнување договор за подршка на кандидат за градоналаник на Град Скопје. Коалицирање ќе има и за Тетово и Струга , каде СДСМ нема да излезе со свој кандидат како и во скопските општини Сарај и Чаир, но ќе настапи во Гостивар, со кандидат Албанец.
Покрај Саша Богдановиќ, кандидати за градоначалници за општина Центар од СДСМ се и Емилијан Станковиќ и директорката на Инфективната клиника, Милена Стевановиќ. За Охрид, по втор мандат ќе трча градоначалникот Константин Георгиевски, а за прв пат и директорот на болницата Горан Балевски. Шанси да победи на локалните избори има и градоначалникот на Гази Баба, Борче Стефановски, велат од СДСМ.
Сотир Трајков
