Свет

Иран пушти во работа нови центрифуги за збогатување ураниум

Иранските власти соопштија денеска дека пуштиле во употреба нови, модернизирани центрифуги што овозможува побрзо збогатување ураниум, чија употреба е забранета според одредбите на нуклеарниот договор на таа земја постигнат со светските сили во 2015 година.

Иранскиот претседател Хасан Рохани официјално отвори линија од 164 центрифуги IR-6 и друга линија од 30 центрифуги IR-5 инсталирани во нуклеарниот комплекс Натанз во централниот дел на државата.

Пуштањето во употреба беше организирано на онлајн церемонија што ја емитуваше државната телевизија. Телевизијата не прикажуваше слика на центрифугите, туку инженери во бели мантили, кои, откако добија наредба од Рохани, објавија дека центрифугите почнале да се напојуваат со ураниум.

Тоа беше објавено во време кога во Виена се водат преговори меѓу Иран и другите држави потписнички на договорот од 2015 година (Германија, Кина, Франција, Велика Британија и Русија) за тоа како повторно да ги вклучат САД кои се повлекоа од договорот во 2018 година.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Единство на Црквата, дипломатија, финансии – дел од предизвиците за папата Лав XIV

Дејан Дејан

Трамп: Изборот на американски папа е „голема чест“ за САД

Дејан Дејан

УНИЦЕФ: „65 до 70 проценти“ од целиот водоводен систем на Газа е оштетен

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе