Состојбата со ширењето на корона вирусот во беровско е загрижувачка. Во ова познато туристичко гратче се наоѓа и единствениот Дом за стари лица во Брегалничкиот регион. Состојбата со вирусот вo објектoв е под контрола. Директорката вели дека пред повеќе од три месеци имале случаи на заразени.
Беровскиот Дом за стари лица со пари од Швајацарската агенција за развој и соработка и Министерството за локална самоуправа го прошири капациетот за 10 нови легла. Листата за чекање е долга и имаат од 40 до 50 кандидати. Потребата од Домови за стари лица во источниот регион е голема, заради миграцијата на младото и работоспособно население. Истокот наскоро се очекува да го добие и вториот дом за стари лица во Пробиштип. До јуни се очекува да заврши реконструкцијата на Здравствениот дом, и таму ќе се сместат 50 стари лица. Штип со години ја чека доизградбата на објектот, која е закочена поради статусот на дивоградба, а штипското здружение на пензионери инвестираше 600.000 евра. Решението за овој објект се гледа во новиот Закон за легализација на дивоградби.
Кочани засега ја чека поддршката од централната власт, а за изградба на Домот за стари лица потребни се 80 милиони денари. Според последните студии од 2012 до 2019 година 5.429 жители на источниот регион официјално си заминале од своите родни градови и села.
Викторија Димитрова Јованова
