„Свесни сме за овие извештаи, и ја следиме ситуацијата одблизу“, изјави кусо портпаролот на Стејт департментот за Гласот на Америка, по повод бегството на Сашо Мијалков.
Министерството за внатрешни работи (МВР) веќе распиша меѓународна потерница по поранешниот шеф на тајната полиција.
Полициски екипи го бараат од вчера, откако не успеале да му го врачат решението за куќен притвор, издадено од скопскиот Кривичен суд.
Пресудата за Мијалков, кој е обвинет во предметот за масовно прислушување „Тврдина-Таргет“ треба да биде соопштена в петок.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.