Ракометарите на Вардар попладнево ги продолжуваат настапите во Лигата на шампионите, а следен противник е унгарскиот претставник, Пик Сегед.
Иако во овој период “црвено-црните” требаше да играат во пеколен ритам сепак по одложувањето на дуелите со Пари Сен Жермен и Флензбург, составот на Стевче Алушовски имаше повеќе време да се фокусира на соочувањето со Пик Сегед, противник кој никогаш не се радувал на победа во Скопје.
Нашиот состав до овој момент пет пати го пречекал составот од Унгарија и има четири победи и само еден нерешен резултат и се очекува низата на Вардар да продолжи и во следниов период да се освојат што е можно повеќе бодови и да се обезбеди подобра позиција во пресрет на осминафиналните соочувања.
Мечот се игра во СЦ Јане Сандански и почнува во 18 часот.
ФОТО: Игор Паневски