„Од 11 иницијативи на Државната комисија за спречување на корупцијата само четири се прифатени“, рече во вечерашната Топ Тема на Телма Билјана Ивановска претседатеката на ДКСК, која како пример ги посочи иницијативите за одговорност за поранешниот вице премиер за која комисијата не добила одговор од владата, а тој самиот учествувал и во расправата, потоа иницијативата за директорот за Агенцијата за филм, како и отфрлањето на иницијативата за ректорот на УКИМ.
Во Топ Тема гостува и Слаѓана Тасева претседателка на „Транспаренси Интернешанл“ која потсети дека Антикорупциска е формирана во 2002 година, „кога нејзините иницијативи разрешуваа министри кои немаа поднесено анкетен лист. Имавме резултат и на индексот на корупција. Тогаш имаше поголема поддршка од владата и кон одлуките имаше поинаков пристап. Веќе во вториот состав работите се сменија. Со изборот на членовите во собранието требаеш да врати улогата и интегритетот на Комисјата“, рече Тасева.
Инаку извештајот на Транспаренси Интернешнал ја рангираше земјава на ниво со Босна и Херцеговина, Панама и Монголија – историски најлош рејтинг на ранг листата за перцепција за корумпираност на државата.
Тасева рече дека по добивањето на извештајот досега ниту една влада не ги повикала на разговор. „Владата треба да има јасен став и национален консензус дека не треба да има компромиси околу високата корупција, односно треба да запре мешањето на политиката во се во сешто и треба да се почитуваат препораките од невладините тела“, потенцираше Тасева.
Национална стратегија за борба против корупцијата се уште не е донесена во Собранието. Првото прочешлување започнува во понеделник на расправата на Комисијата за политички систем. Ивановска вели дека дел од пратениците веќе им дале позитивни забелешки.