Оптимизмот не ги напушта владеачките функционери и покрај тоа што се поизвесно е дека земјава нема да ги почне преговорите со ЕУ после блокадата од Бугарија.
Министерот за надворешни работи Бујар Османи вели дека сепак постои теоретска можност да се отвори прашањето за проширувањето.
Сепак јасно е дека се помали се можностите тоа да се случи неделава на министерскиот и на состанокот на лидерите од земјите-членки на ЕУ.
За Вицепремиерот за европски прашања Никола Димитров бугарската блокада е голем удар за европската политика кон Балканот.
И тој е разочаран но порача дека не смееме да сме очајни. Сега власта со помош на европските партнери кои сметале дека треба да се почнат преговорите ќе работи земјава да се европеизира.
Заедничката порака дека нема алтернатива од европскиот пат денеска ја споменува и претседателот на државата Стево Пенадровски но во одговор на обвинувањата дека Македонија ја отфрлила понудата да влезе во Европската Економска Зона.
После неговата изјава од вчера во која го обелодени ова, регираа од ВМРО ДПМНЕ.
Го обвинија Пендаровски дека дури не го знае ни името на организацијата која дозволува слободни пазари меѓу државите од ЕУ но и норвешка исланд швајцарија и велика британија.
Ова го оценуваат како скандалозно однесување и пропуштање на шанса за олеснување на трговијата.
Во одговорот на Пендаровски пак се наведува дека лани во октомври кога исто така беше одложено отворањето на преговорите циркулирала идеја за алтернативно членство во Европската економска зона.
Но со консензус на политичките лидери меѓу кои и Христијан Мицковски од ВМРО ДПМНЕ било договорено дека не ни требаат алтернативни облици на економска соработка со ЕУ, туку полноправно членство во унијата.
Билјана Николовска