Окупатори или адмнинистратори? Фашисти или не? Премиерот Зоран Заев и денеска без прецизен одговор на овие две прашања кои се наметнаа по вчерашното интервју за бугарскиот „Бгнес“ а кое предизвика лавина реакции во домашната јавност. Не даде прецизен одговор која литература ја консултирал а врз која ги изградил своите ставови кои ги ги изнесе во интервјуто и со кои негаираше историска вистина дека бугарските војски се бореле на страната на Хителр и Мусолини , биле фашисти, но и ја релативизираше тригодишната окупација изедначувајчи ја со администрација. И денеска прецизно не може да се заклучи како тој го замислува и како гледа на периодот на Втората светска војна и улогата на Бугарија во војната.
Премиерот вели дека жали за бројните реакции по интервјуто, за перидот на Втората светска војна нагласи дека треба да простиме но не и да заборавиме и се повика на европските вредности. Не прецизираше дали е потребно извинување пред да се прости за стореното.
По вчерашните тврдења дека Бугарија не била фашистичка држава, денеска тој неколку пати го кажа спротивното.
Премиерот ретерираше и во ставот дека бугарската војска администриала а не окупирала.
Владата нема донесено конкретна одлука околу плочите на спомен обележјата кои се однесуваат на периодот од Втората светска војна а премиерот појасни дека тие не биле тргнати туку коригерирани односно бришени. Обврската поризлегла од Договорот за пријателство а во голем дел за спровеле општините а не централната власт.
Куманово е еден од градовите кои премиерот ги наведе дека се ослободени со заедничко упчество на партизаните и бугарската војска. Постарите кумановци, дел и современици на настаните од втората светска војна имаат дијаметрално спротивни сеќавања за текот на настаните
Останува да се види дали интервјуто на премиерот ќе предизвика омекнување на официјална Софија и деблокирање на процесот но и какви репрекусии и последици ќе предизвика дома.
Огнен Чанчаревиќ