Вести Македонија Топ вести

Ковид се шири и меѓу вработените во битолските градинки

Се зголемува бројот на заболени воспитувачки и негувателки во битолските градинки,но засега нема деца кои се позитивни на  вирусот. Во  клоновите на двете централни градинки „Естреја Овадија Мара“  и „Мајски цвет“ заболени  се вкупно 17 вработени, а во изолација се над 120 деца.

Во градинката „Естреја Овадија Мара“  позитивни се  се 9 негувателки и воспитувачки, но и двајца  вработени во администрација. Во изолација се 60 деца на возраст од 2 до 5 години и 15 деца од јасли.

Во градинките под  надлежност на централната „Мајски цвет“ вкупно има шест позитивно  вработени,  а во изолација се 49 деца. Овде засега е затворен само клонот  „Ѕвездичка“ со три помали групи каде заразени  се две воспитувачки и една негувателка.  И во клонот   „Славејче“  на „Мајски цвет“  2 вработени   имаат  симптоми и за нив се очекуваат резултати.  Во изолација е само една група, а останатите продолжуваат со работа.

Според статистиката што ја соопшти министерката за труд Шахпаска, досега има 120 позитивни во градинките на теритроијата на цела држава, и тоа 50 воспитувачки, 50 негувателки и 18 деца. 1200 деца се во изолација, но според министерката во најголем број слуачи вирусот е донесен однадвор, бидејќи во градинките се почитуваат протоколите. Државниот здравствен и санитарен инспекторат до сега нема  регистрирано внатрешна трансмисија на коронавирус внатре во училиштата и градинките.

Емилија Мисирлиевски

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Ангелов: Зад сите пожари, би рекол, стои човечки фактор, лани имавме неколку пожари од грмотевици и од допир на жици

Дејан Дејан

Пожарникарите наишле на запалени палети и мирис на бензин – Ангелов за пожарот во Чучер Сандево

Дејан Дејан

Ангелов: Не сум видовит, но пожари ќе има и во годините што доаѓаат, апел до граѓаните да ги исчистат сопствените дворови

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе