Повеќе од 73 милиони луѓе во САД го следеа првиот круг на предизборните телевизиски дебати меѓу актуелниот претседател Доналд Трамп и кандидатот на демократите Џозеф Бајден. Тоа го покаќуваат податоците на компанијата Ниелсен.
Според компанијата, околу 17,8 милиони Американци ја следеле дебатата на Фокс Њуз, 12,6 милиони на Еј-Би-Си Њуз и 9,7 милиони на Ен-Би-Си. На другите канали имало помала гледаност.
Забележано е дека пресметките не се земени предвид бројните преноси на интернет.
Изборната дебата во 2016 година беше со рекорден број гледачи во историјата на САД. Тогаш конфронтацијата помеѓу Трамп и Хилари Клинтон ја следеа околу 84 милиони луѓе.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.