Во однос на четвртиот пакет економско-социјални мерки кои ги предложи владата на Зоран Заев, лидерот на ВМРО-ДПМНЕ, оцени дека тие не се доволни и дека најголем проблем е фактот дека и претходните мерки кои ги предложи владата не се исполнувале како што било предвидено.
Мицкоски додаде дека ВМРО-ДПМНЕ нема да поддржи законско решение викенд без ДДВ од 10-ти до 12-ти октомври, подвлекувајќи дека на граѓаните им било ветено дека ќе има 4 такви викенди во септември.
Ние бараме, тоа што беше ветено да се исполни,рече Мицкоски, односно 4 наместо еден викенд без ДДВ.
Тој потенцираше дека најголемата опозициона партија ќе побара законски измени со кои ќе бара 5% покачување на пензиите на сите граѓани, што веќе беше ветено од страна на владата и ќе предложи поголема помош за стечајните работници и невработените.
Исто така, според Мицкоски, најголем дел од културните работници се прогласени за социјално ранлива категорија , што е катастрофална одлука. Со 6 000 денари еднократна помош ги навредувате тие луѓе, вели Мицкоски.
Фантастична мерка предложивме, рече Мицкоски , наместо картички , владата да ја покрие партиципатијата на студентите, топол оброк во училиштата, ако сакаат да го растоварат товарот предизвикан од пандемијата.