Скопското обвинителството покрена обвинение за случајот „Моќник“ каде меѓу 13 мината обвинети се и пратеникот од ВМРО – ДПМНЕ Антонио Милошоски, неговиот татко, поранешниот градоначалник на Македонски брод Милосим Војнески, екс претседателот на лустрациската комисија Томе Аџиев и 9 членови на оваа комисија.
Измама и злоупотреба на службената положба се кривичните дела во ова обвинение кое се однесува на два настани, а и во двата се споменува пратеникот кој се гони и за двете кривични дела. За него пишува и дека ја искористил својата позиција на пратеник вршел континуиран притисок во органите на државната управа.
Првиот дел се однесува на измама при продажба на државен имот кој преку лицитација го купил таткото на пратеникот. Според обвинението советниците во општина Македонски брод биле доведени во заблуда. Сметале дека гласаат за отуѓување на „поранешниот задружен дом“, а всушност одобриле отуѓување на зграда со површина од 157м2 и дворно место од 3.920 м2 во Македонски Брод, која ја користела општина Пласница, велат од обвинителството. Со продажбата на објектот и на земјиштето и нанеле штета на држвата и наопштината од околу 48 илјади евра, пресметале од обвинителството. За објектот нанеле штета во вредност од 1.795.800,00 денари (над 29 илјади евра) и за продажбата на земјиштето штета од 1.176.000,00 денари (над 19 ијади евра).
Откако градоначалникот на општина Пласница дознал дека објектот во кој е сместена администрацијата на општина Пласница и неговиот кабинет е продаден ја алармирал владата која формила и комисија, но третообвинетиот, како што стои во соопштението од обвинителството, искористувајќи ја својата позиција на пратеник од владејачката партија вршел континуиран притисок врз сите институции кои постапувале по овој предмет, за да остане во правна сила незаконитата продажба на објектот и земјиштето.
На Милошоски на товар му се става и тоа што го поттикнал тогашниот претсдател на Лустрациската комисија да отвори повторна постапка за лустрација над судијата Драги Билевски од Кичево. Според обвинеието, Аџиев и на тогашните 9 членови на комисијата иако знаеле дека не се исполнети критериумите донеле одлука за лустрација на судијата кој бил времено оддалечен од вршење на функцијата а потоа и разрешен
Обвинението не се заснова на бомбите кои ги слушна јавноста, вели обвинителката Фатиме Фетаи. Но ги предложила и нив меѓу останатите докази за да се изведат во судница, како посредни докази, односно индиции, како што и дозволува новиот закон за јавно обвинителство, објасни Фетаи за Телма.
Овој предмет СЈО го отвори во март 2018 а во фаза на истрага обвинителството го презема заедно со останатите предмети на СЈО пред речиси една година.
Попладнево на обвинението, преку ФБ реагираше Милошоски:
Елена Ивановска Мукоска