Ова е Славица Анастасова – Османовиќ , 59 годишна сега веќе некогашна фармацевка. Пред еден месец се јавила кај својата матична докторка да и препише терапија. Тогаш дознава дека нема здравствено осигурување. До следната хемотерапија за ракот на коски од кој две години боледува ја делат само три дена. Сепак на договорениот термин на онкологија нема да може да се појави и да ги прими цитостатиците, затоа што нејзините документи за добивање инвалидска пензија, стојат во фиока во ПИОМ, вели таа.
Анастасова – Османовиќ во фебруари добива мислење и потврда од лекарска комисија дека е инвалид од прва категорија , и насока дека треба да поднесе барање за инвалидска пензија. Потребните документи на 12 мај ги носи во ПИОМ – три месеци подоцна нема никаков абер од пензијата која и следува. Сега освен што нема здравствено , не добива никакви придонеси, вели , и кажале дека од фирмата во која работела не извршиле уплата во пензиско за 2007мата.
Вели дека не ги исконтактирала вработените на Онкологија, но вели свесна е дека и тие се беспомошни во оваа ситуација. Таа не испрати со истата мисла со која не пречека дека нема да треба и понатаму да се бори со институцииите , туку ќе се фокусира во борбата против болеста која ја донела во ваква безислезна ситуација.
Teoдора Цветковска