Граѓани се заглавени дома и се во изолација. Бројката на изолирани од вчера е зголемена за над 120 лица. Во моментов градот на текстилната индустрија со околу 7.000 работници во овој сектор е корона жариштето. Епидемиолозите и локалната власт алармираат дека секојдневните двоцифрени бројки говорат дека не само институциите да ги стават во функција сите капацитети, туку и граѓаните да дадат придонес, со почитување на мерките, но и семејните и пријателските дружби по дома или надвор да се избегнуваат. Засега не се планира затварање на градот, но одлуката за карантин ја носи Комисијата за заразни болести.
Нема фабрика или институција, каде што нема позитивен случај, со изолирање на контактите продолжува работата во нив. Останува препораката конфекциите да се затворат и вработените да одат на одмор каде има регистрирано повеќе позитивни случаи, но засега нема најава за нов масовен скрининг. Заразата во моментов доаѓа од осум конфекции.
Во Штип засега нема забележано прекршување на мерките од страна на угостителите или отварање на дискотеки, какошто беше случајот со Струмица и Прилеп.
Викторија Димитрова Јованова