Бел шевролет спарк се движи и ги менува лентите на патот Куманово-Свети Николе. На крај вози во погрешна лента на кривина, а бмв од другиот правец се обидува да го избегне, но не успева и автомобилите директно се удираат. Снимката е објавена на јутјуб откако возач кој се движел зад белиот спарк го снимал чудното однесување и возење на 21-годишниот шофер.
Директен судир на два автомобили со кумановски регистрации се случил вчера попладне во близина на селото Скачковце (10 километри јужно од Куманово). Во несреќата на патот Куманово-Свети Николе се повредени сите 4-ца патници во двата автомобили.
На снимката се гледа како после сударот, парчиња од автомобилот остануваат на патот.
МВР ги објави деталите во денешниот билтен:
-На 19.07.2020 околу 15.00 часот на регионален пат Куманово-Свети Николе, кај с.Скачковце, се случила сообраќајна незгода помеѓу патничко возило „шевролет спарк“, со кумановски регистарски ознаки, управувано од М.З.(21) од с.Скачковце, кумановско, и патничко возило „бмв“, со кумановски регистарски ознаки, управувано од Ш.Ш.(30) од Куманово. По незгодата, Ш.Ш., М.З. и сопатниците од патничко моторно возило „бмв“, Г.Ш.(31) и Н.Ш.(62), двајцата од Куманово биле пренесени во Клиничка болница Куманово за укажување на лекарска помош. Увид на местото на незгодата извршила екипа од СВР Куманово.