ДИК со герила акција за безбедно гласање

Со герила акција, за првпат досега, екипа на Државната изборна комисија на плоштадите во Охрид и Струга постави две големи поставки, од големо стаклено ѕвоно, и гел за дезинфекција, за да им се приближат пораките за безбедно гласање до гласачите.

Со пораките „заштити се себеси и другите“ и „гласај безбедно“, Државната изборна комисија упати апел за сигурни и безбедни избори. Беа поделени брошури и флаери за безбедно гласање, и точно опишан начин, како треба секој гласач да постапува на гласачкото место, за да се заштити од корона вирусот.