Првиот човек на Серија А, Паоло Дал Пино најави дека со подобрувањето на епидемиолошката состојба во земјата следниот месец најверојатно ќе биде дозволено гледачите да се вратат на трибините на натпреварите до крајот на сезоната.
Со секојдневното намалување на бројот на инфицираните може да се очекува здравствените власти во Италија да дадат дозвола за присуство на навивачи откако деновиве беше одобрено отворањето на кината и театрите.
Се очекува во првата фаза бројот на присутните на трибините да биде ограничен на 5000 луѓе, но поголема е веројатноста бројката да биде определена според процентот на капацитетот на секој стадион. Неофицијално дозвола за присуство на гледачите се очекува во втората половина на јули.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.