Според последното анализата на Центарот за фудбалско истражување најголем извозник на тренери е Аргентина, на второто место е Шпанија додека сосема изненадувачки е податокот дека на третата позиција се наоѓа Србија.
Според анализата Аргентина има вкупно 68 тренери кои работат надвор од земјата. Најголем е бројот на оние кои имаат ангажман во соседното Чиле или вкупно 11, а останатите 57 се ангажирани во 21 земја на целава планета.
На втората позиција со 41 тренер во странство е Шпанија. Тие идентично како и колегите од Аргентина се ангажирани во 21 земја додека 34 тренери од Србија работат во клубови во 24 земји во светот.
Зад водечката тројка со 27 тренери е Германија, колку што има и Италија. На шестото место со 25 тренери што работат во странство е Портуалија, 24 има Уругвај, Англија 20, а првата десеторка ја комплетираат уште Бразил со 16 и Колумбија со 14 која десеттото место го дели со Франција.
Македонија е на делба на 24-тото место со пет тренери заедно со Јужна Кореа, Словачка и Шведска.
Во петте најсилни лиги во Европа, во Премиер лигата дури 55 проценти од екипите имаат тренер странец. Следува Германија со 33,3, Франција 22,7 отсто, Италија е четврта со 20 додека најмал процент на тренери од странство има во Шпанија каде само 15 проценти од клубовите немаат домашен шеф на стручниот штаб.
Аргентина како најголем извозник на тренери во домашното првенство има само 4 проценти на странски предводници на екипите.