Родителите на настраданите во кочанската дискотека „Пулс“, кои и денеска маршираа низ кочанските улици за правда за своите деца во понеделник ги очекуваат одговорите на барањото за институционална и финансиска поддршка, кое ги доставија до премиерот, Христијан Мицкоски, претседателот на Собранието, Африм Гаши и претседателката на државата, Гордана Силјановска Давкова. Од Основното јавно обвинителство во Кочани немаат никаков одговор за следење на судскиот процес и за видео и аудио запис од судењето за трагедијата во Кочани, во која загинаа 62 лица, а 200 беа повредени.
Семејствата на загинатите млади луѓе во пожарот во Пулс велат дека не говорат пред институциите, бидејќи изминатиот период беа напаѓани на социјалните мрежи од страна на одредени членови на политички партии. Со свирчиња и труби секоја институција беше исвиркана.
Пред зградата на Основното јавно обвинителство порачаа дека бадијала стојат, бидејќи никој не ги слуша.
На маршот на ангелите секоја сабота се и дел од семејствата на повредени. Сметаат дека во моментов добро оди рехабилитацијата на Пониква, но сега претстои тешкиот и поскапиот процес на заздравување на повредените со изгореници.
Првата група од 45 повредени ја заврши рехабилитацијата на Пониква. Во одмарилиштетот на МВР се врши дезинфекција и се пркса против комарци, втората група од 45 повредени со рехабилитација почнува од вторник.
Викторија Јованова