Сиљановска Давкова по средбата со Кошта: За нашиот предлог за уставни измени со одложено дејство вели дека е извонредно конципиран, но Бугарија не го прифаќа

За предлогот за уставни измени со одложено дејство, претседателот на Европскиот совет Антонио Кошта рекол дека е извонредно конципиран, но Бугарија не го прифаќа, рече Гордана Сиљановска Давкова, претседателка на Македонија, во вечерашното интервју во „Вин-Вин“ на ТВ Телма.

„Се обидол да го презентира, значи неприфатен, заради консензусот, иако многу членки го разбираат, не може да помине“, додаде Сиљановска Давкова.