Земјотресот со јачина од пет степени според Рихтеровата скала ја погоди јапонската префектура Фукушима доцна синоќа, предизвикувајќи вознемиреност во многу области, вклучувајќи ги и Точиги и Гунма.
Најсилни потреси биле почувствувани во градот Хиноемата, но и во други делови на префектурата, како и во пограничните области. Земјотресот се случил во 2:49 часот по локално време, на длабочина од 10 километри под областа Аизу во Фукушима.
Јапонската метеоролошка агенција потврди дека засега нема информации за сериозни штети или повредени лица, но продолжува да ја следи ситуацијата.
Истовремено, не е објавена никаква прогноза за потенцијален удар од цунами. Фукушима и околните региони се познати по својата сеизмичка активност, иако оваа област една од сеизмички помирните во споредба со други региони во Јапонија.
