Стотици луѓе во Молдавија останаа без греење и топла вода откако Русија ги прекина испораките на гас за сепаратистичкиот регион Приднестровје, поради наводен долг од 709 милиони долари за претходни испораки.
Прекинот стапи на сила на први јануари, еден ден по истекувањето на договорот за транзит на гас помеѓу Русија и Украина.
Руската компанија Газпром соопшти дека во прекин е снабдувањето преки гасоводот кој го снабдува најголемиот енергетски објект во Приднестровје, електраната Кучиурган, што предизвика прекини на снабдувањето со електрична енергија, а со тоа и затоплувањето на домовите во регионот.
Молдавската влада тврди дека долгот на Приднестровје изнесува само 8,6 милиони долари и го обвинува Кремљ за користење на енергијата како политичко оружје.
Меѓувреме, Молдавија воведе мерки за заштеда на енергија, како намалување на осветлувањето и прераспределување на енергетските ресурси.
Молдавскиот претседател Маја Санду најави помош за населението, вклучувајќи снабдување со генератори и дрва за огрев.