Плоштадот во Тетово обоен во боите на македонското знаме. Во раце со рачно изработени знаменца и во црвени и во жолти маички, учениците од нижите одделенија од основните училишта го прославија 8-ми Септември, Денот на независноста на Македонија.
Под мотото „Децата пеат за Македонија“ се одржа културно-уметничка манифестација, во која учестуваа учениците со неколку точки, хорот Крешендо и КУД Шара.
Прослава од ваков тип за првпат се организира во градот, на иницијатива на одделенските наставнички.
„Денес на градскиот плоштад во Tетово за првпат се организира манифестација по повод Денот на независноста на нашата татковина, односно 33-от роденден на Македонија. Ова е првпат да се организираме и го направивме тоа одделенски наставници од тетовските училишта, коишто се договоривме дека на овој значаен празник мора да му дадеме поголем акцент и да се развива љубовта кон татковината на дечињата. За време на подготовките децата беа многу возбудени подготвуваа знаменца, подготвуваат точки музички, стихотворби, рецитали. Во оваа манифестација учествуваат сите училишта од град Тетово со подрачните училишта, а можам и да ги споменам училиштата Гоце Делчев, Лирија, Братство Миџени со подрачно училиште Сараќино, потоа училиштето Кирил и Методиј со подрачното училиште Фалише и училиштето Андреја Савески Ќиќиш“, изјави одделенската наставничка Соња Трифуновска.
@telmatelevizija Прослава од ваков тип за првпат се организира во градот, на иницијатива на одделенските наставнички. __________________ 🌐За да ги прочитате најновите вести на Телма кликнете на линкот во био. 🔗 #телма #телмателевизија #вести #мквести #македонија #скопје #telma #telmatv #vesti #mkvesti #makedonija #instanews #skopje #топтема #toptema