Пад на температурите и зголемена влажност на воздухот. Илјадниците пожарникари добија помош од временски услови за забавување и гаснење на големите шумски пожари кои беснеат низ САД.
Огнените стихии, сепак, брзо се шират. Стотици пожарникари се ангажирани само во Северна Калифорнија каде пожарот се зголеми двојно и, моментно, е најголем во историјата на САД.
Досега се уништени речиси 142.000 хектари површина на 144 километри северно од главниот град Сакраменто. Пожарот досега уништи и 134 објекти за домување, а дополнителни 4.200 се под голем ризик. Властите уапсија едно лице поради сомнеж дека го предизвикал пожарот во паркот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.