По изборот на новиот претседател и тоа што сите ќе го бараат од новото раководство е веќе да не зборуваме за зборуваме за колективна одговорност, рече Битиќи.
Си има име и презиме и зошто е сѐ направено и дали тоа не било одлуката, на пример една од работите што ја слушам скоро секој ден во овие два месеци од членството дека СДСМ не била и не може да биде „султан партија“ а тоа е претседателот да одлучува за сѐ. Еве на пример начинот на поставување на претседатели на општински организации не може да биде од горе затоа што луѓето сакаат да бидат слушнати, рече Битиќи.
Не се согласува дека партијата прави драма од изборот на новиот партиски претседател. Посочи дека во моментот се статутарно органичени и таков е системот на избор на претседател.
Ние констатираме дека во овој момент можеме да дебатираме, дискутираме, можеме да оставиме летаргичноста да продолжи, итн и да не носиме одлуки. Одлуката беше да одиме со избор на претседател, претседателот ќе има мандат од 9 месеци колку што е статутарно. Во овој меѓу простор сметам дека суштински ќе треба да се занимава со внатрешна реорганизација на партијата, со креирање на нов статут, со враќање на членството во партијата, за да си се постави онака како што мноштвото наши членови и граѓаните сакаат СДСМ да го видат, рече Битиќи.
Сепак, призна дека не верува оти тоа може брзо да се направи, посочувајќи дека понекогаш е подобро некои процеси да не се брзаат туку да бидат сигурни и да бидат ставени на здрава основа.