Украинските аеродроми на кои вооружениете сили на Украина сакаат да ги стационираат западните авиони беа мета на руската војска, соопшти руското Министерство за одбрана.
„Исто така, руската противвоздушна одбрана собори два авиона на украинско воено воздухопловство, 62 беспилотни летала, четири противвоздушни наведувани ракети „патриот“ и две ракети ХИМАРС“, се наведува во соопштението на министерството за одбрана на Русија.
Во меѓувреме, украинскиот претседател Володимир Зеленски допатува во Брисел, каде ќе присуствува на состанокот на Европскиот совет и на потпишување на три безбедносни договори.
„Украина во изминатите денови започна вистински преговори за членство во ЕУ. Денеска сум во Брисел да изразам благодарност до европските лидери за единството и што ја потврдија неизбежноста на нашиот европски пат“, изјави Зеленски.
