По 14-годишен мандат и владеење дома, холандскиот премиер Марк Руте денеска се очекува и официјално да биде назначен на челната позиција на НАТО Алијансата, на местото на Јенс Столтенберг.
Патот за Руте беше отворен минатата недела по повлекувањето на кандидатурата на романскиот претседател Клаус Јоханис.
Функцијата Генерален секретар на НАТО се очекува да ја преземе на 1-ви октомври.
Руте ќе го води западниот воен пакт во свет полн со политичка неизвесност од двете страни на Атлантикот и конфликтот во Украина.
Tој би можел да се соочи со нов претседателски мандат на Доналд Трамп ако критичарот на НАТО се врати во Белата куќа по изборите во ноември.