Северна Кореја во текот на ноќта лансирала околу 350 балони со ѓубре кон Јужна Кореја, соопшти денеска јужнокорејската армија.
Тоа е петто вакво лансирање од крајот на минатиот месец, пренесува Јонхап.
Околу 100 балони, главно со отпадна хартија и други отпадни материјали, слетале во Сеул и во северниот дел на провинцијата Кјонги, соопшти Генералштабот на корејската армија.
На повиците на Јужна Кореја да се престане со ваквата пракса која ја загрозува безбедноста и мирот меѓу двете земји Северна Кореја одговори дека ваквата пракса е изразување на мислата и правото на нејзино јавно искажување, право на говор.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.