Максим Димитриевски се врати во салите на основниот суд Куманово. Денеска продолжи рочиштето, а обвинетиот кумановскиот градоначалник Максим Димитриевски е осомничен за злоупотреба на службена положба и овластувања, по кривична пријава поднесена од кумановските градежни фирми за случај со недобивање дозволи за градење згради во Куманово.
Одлуките беа прифатени од страна на Управниот суд, а постапка која се водеше во системот за е-градежни дозволи во општина Куманово, дополнително ќе се обработува од страна на судијата.
Двете градежни компании од Куманово „УПМ-ГРУП“ ДООЕЛ и „ХРОМАК Емил“ ДООЕЛ, сметаат дека Димитриевски ја злоупотребил функцијата градоначалник и ги оштетил, бидејќи истиот состав на совет и градоначалник во 2021 изгласале ДУП, во кој сакале да вложат двајцата инвеститори, подоцна истиот совет, на предлог на градоначалникот донел нова одлука за суспензија на ДУП-от, кој се однесува на парцела во близина на гимназијата и школската амбуланта.
Димитриевски на првото рочиште во арпил оваа година, обвини за политички процес, нагласи дека го штити јавниот интерес и рече дека обвинението е монтирано и има за цел да го наруши неговиот дигнитет.
На наредните закажани рочишта на 17 и 19 јуни, годинава ќе се изведуваат вербални докази, делумно предложени и од обвинителството и од одбраната.