Шлепер кој превезувал пластични производи рано утрово се превртел на кривина во планинскиот дел од патот Скопје – Блаце- Косово. Шлеперот е препречен на двете ленти поради што сообраќајот е во прекин.
Како што информираше МВР, нема повредени лица.
,,На 09.03.2024 год. во 06:50 часот на магистрален пат Скопје – граничен премин Блаце случена е сообраќајна незгода при што ТМВ МАН изгубил контрола и истиот се превртел на коловоз при што се зафатени двете коловозни ленти, повредени нема. Известени се ПС за ГП Блаце и сообраќајот ќе биде во прекин во двата правци. На лице место се растовара роба од камионот од околу 25 тона пластика за пвц и присутна и служба од царина” наведуваат од Министерството за внатрешни работи.
Од АМСМ информираа дека сообраќајот од граница кон Скопје се одвива по алтернативен пат преку Чучер Сандево.
-Во 10:00 часот е овозможен влез во нашата држава само за патнички возила од ГП Долно Блаце и истиот ќе се одвива од с.Долно Блаце наспрема с.Чучер Сандево, соопшти АМСМ.