Дмитриј Медведев, заменик претседател на Советот за безбедност на Русија, соопшти дека делегацијата на украинскиот претседател Володимир Зеленски не била цел на вчерашниот руски напад врз Одеса, пренесе „Ројтерс“.
Тој додаде дека Русија би го погодила Зеленски ако бил цел и оти било очигледно дека немало планиран удар на колоната со возила.
Руска ракета експлодира на, отприлика, 500 метри од конвојот на украинскиот претседател Володимир Зеленски и грчкиот премиер Кирјакос Мицотакис за време на вчерашниот напад на пристаништниот град Одеса, на југот на Украина.
Реакцијата на Медведев е одговор на украински претставници кои не исклучуваат можност Зеленски и Мицотакис да биде мети на рускиот напад.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.