Се радикализира атмосферата во Собранието поради неизборот на седмиот член на ДИК. Еден од лидерите на Европскиот сојуз за промени, Африм Гаши, се закани дека доколку до 31 декември не биде избран нивниот кандидат, тие ќе го бојкотираат Парламентот, а потоа, може да го проблематизираат и целиот изборен процес.
ВМРО ДПМНЕ им дава поддршка, но се колеба дали да ги повлече своите двајца претставници во ДИК поради идејата за надградба на системот на гласање со отпечаток. Христијан Мицкоски се сомнева дека предлогот до Собранието да се испратат два предлога за член на ДИК ќе придонесе местото да остане непополнето.
Односно, да нема двотретинско мнозинство ниту за Абдуш Демири од БЕСА ниту за Зулфи Адили од Алијанса, кој е предложен од Европската демократска партија.