МОН донесе одлука со која рокот за аплицирање за финансиска помош за учениците се продолжува до 25 декември, односно заклучно со понеделник.
Ваквиот чекор доаѓа откако деновиве поради краткиот рок кој претходно им беше даден на учениците кои се опфатени со оваа мерка но и обемната бирократија настана хаос пред шалтерите на институциите кои издаваат документи неопходни за пополнување на апликацијата.
Финансиската помош е за основци и средношколци чии вкупни домашни месечни примања не надминуваат 50.000 денари.
Повикот ќе биде објавуван секој месец за оние кои не се пријавиле претходно, а оние кои ја добиле финансиската помош секој месец ќе мора да ги доставуваат документите во училиштата за да се продолжи правото на користење на финансиската поддршка.
Од МОН пак велат дека ваквиот чекор се презема поради големиот интерес за мерката, а додаваат и дека надлежните служби при Министерството за образование и наука се во постојана комуникација со потенцијални апликанти кои имаат потреба од поддршка во процесот на аплицирање.
Преобемна бирократија за месечна парична помош од 1.200 до 1.800 денари која ја нуди МОН