Приведени 19 лица, тројца во бегство – дел од група осомничени за трговија со дрога и оружје

Во големата полициска акција во охридско струшкиот регион приведени се 19 лица, а тројца се во бегство, тие се дел од групата од 23 лица осомничени за трговија со дрога и оружје.

Според обвинителството во периодот од јануари до ноември годинава првоосомничениот заедно со уште тројца од групата посредувале и продавале дрога – кокаин, хашиш и марихуана. Дрогата ја набавувал од непознати лица во Албанија и ја пренесувал на тајна локација во струшко. Дел од дрогата која била наменета за брза продажба ја пренесувал во угостителски објекти во Струга, а останатата пакувана во мали количини ја продавале преку свои мрежи.