Економистот и политичар на крајната десница, Хавиер Милеи ќе биде нов претседател на Аргентина по победата во вториот круг на изборите во јужноамериканската земја.
Милеи освои 55,95 отсто од гласовите, додека неговиот ривал Серхио Маса доби 44,04 отсто поддршка. Тоа се официјални резултати по 86 отсто пребројани гласачки ливчиња.
Маса го призна поразот и на приврзаниците им порача дека „Милеи е претседател кого го избраа погоелмиот број на Аргентинци за наредните четири години“.
Во победничкиот говор во Буенос Аирес, Милеи порача дека „почнува крајот на декаденцијата“ и следува „обнова на Аргентина“.
Хавиер Милеи ќе ја преземе претседателската функција на 10 декември.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.