Антикорупциската Комисија го повика Судскиот совет да го разгледа, предметот процесот и судската пресуда во случајот кој се однесува на тужбата на Анѓушев против ИРЛ и новинарката Сашка Цветковска.
Антикорупциската комисија е на став дека независното истражувачко новинарство и независното судство се столбовите на демократското општество и основ за функционирање на правната држава и владеење на правото.
„ Во таа насока, Државната комисија за спречување на корупцијата укажува на неопходноста да се почитува независното истражувачко новинарство и слободата на говорот како темели на демократијата, а судството како самостојна и независна власт да функционира согласно уставните начела.
Ова дотолку повеќе што Република Северна Македонија е кандидат за членство во ЕУ, каде што се почитуваат европските вредности и принципи за демократија, транспарентност и одговорност“, стои во соопштението на Антикорупциската Комисија.