Телефонските линии и интернет конекциите полека се враќаат во Газа по повеќе од еден ден речиси целосно прекинување на комуникациите
Поврзаноста беше прекината бидејќи Израел го интензивираше своето бомбардирање на територијата и започна голема копнена операција во која беа вклучени тенкови и војници.
Израелскиот премиер Бенјамин Нетанјаху рече дека ова е „втора фаза“ од, како што вели, „долга и тешка“ војна со Хамас.
Илјадници луѓе во Газа насилно влегоа во складиштата за храна и лекови што е „загрижувачки знак дека граѓанскиот поредок почнува да се урива“, велат ОН.
Луѓето се исплашени, фрустрирани и очајни. Тензиите и стравот се влошуваат со прекините на телефоните и интернет комуникациските линии“, соопштија од UNRWA.
Во меѓувреме, израелската армија повторно нападна стотици позиции на Хамас, соопштија денеска ИДФ, додека ги интензивираат своите копнени операции во Газа. Борбени авиони бомбардираа повеќе од 450 цели во текот на изминатиот ден, вклучувајќи командни центри, набљудувачки пунктови и лансирни рампи за противтенковски ракети.
И од Хамас потврдија дека војната жестокот се води на копно „гради в гради“.