Mинистерот за надворешни работи, Бујар Османи, денеска оствари средба со амбасадорката на САД, Анџела Агелер. Меѓу темите на разговор биле и соработката во рамки на Стратешкиот дијалог, при што шефот на македонската дипломатија изрази благодарност за дополнителните средства во висина од 4,276 милиони американски долари наменети за владеење на правото и спроведување на законите, што САД ги доделува започнувајќи од 2012 година.
„Со САД, како наш значаен стратешки партнер, продолжуваме заеднички и посветено да работиме за забрзување на реформските процеси во земјава, при што високо ја цениме континуираната американска поддршка за справување со предизвиците и борбата против корупцијата”, рече Османи.
За време на состанокот, било разговарано и за повеќе теми од билатералните односи, актуелната политичка состојба на земјата, состојбите на Западен Балкан како и за актуелни теми од меѓународната политика.