Евакуирани жители и туристи, опожарени неколку куќи и автомобили. Хрватска се бори со првиот голем пожар во летната сезона, а тамошните медиуми јавуваат и за повредени лица. Во Далмација гори на две места – кај Сплит и кај Шибеник, пришто дополнителен проблем за пожарникарите прави силниот јужен ветар кој е закана и по дел од одморалиштата.
Особено е критично во близина на Шибеник, каде дејствуваат 155 пожарникари со 57 противпожарни возила на копно… Од воздух се интервенира со два Ертрактора, а „дигнати“ се и сите пет канадери на хрватското Министерство за одбрана.
Вчера пожар го зафати островот Паг. Огнената стихија беше локализирана со два Канадера, пожарникари, но и со помош на локалното население… Куќите за среќа се одбранети од огнот и немаше повредени. Денеска се работи на целосно гасење по што ќе следува и увид за причините за пожарот.