Едната страна во конфликтот во Судан ја презела контролата врз државната здравствена лабораторија во главниот град Картум, каде се наоѓаат биолошки материјали, а ова според претставниците на ОН претставува „исклучително опасен“ развој на ситуацијата на теренот…
Претставникот на Светската здравствена организација во Судан, Нима Саид Абид, изрази загриженост по информацијата дека вооружените лица кои ја презеле контролата врз централната лабораторија за јавно здравје во Картум ги протерале сите техничари кои работат во објектот.
Дополнително, прекините во снабдувањето со електрична енергија може да ја нарушат постапката за правилно управување со биолошките материјали што се складираат за медицински цели, предупредуваат од СЗО. Во лабораторијата се чуваат патогени од сипаници, колера и други опасни материјали.