(видео) Случајна минувачка застана пред микрофоните во Нешвил: Зарем не се изморивте да покривате вакви настани? Мора да има построга легислатива за оружје

По полициската прес-конференција, по убиството во училиштето во Нешвил, случајна минувачка застана до микрофоните и повика на построга легислатива за оружје. Објасни дека преживеала масовно пукање во училиштето на нејзиниот син во Илиноис, а дека во Нешвил во моментот била во посета на роднина. По тој напад, се ангажирала да помогне побрзо законодавците да ја донесат легислативата со која ќе се забрани користење и лесно достапноста до полуавтоматско оружје. Рече дека се сретнала со над 100 пратеници, но до сега никој ништо не презема. Ги повика и медиумските работници поангажирано да покриваат вакви трагични настани затоа што следно убиено дете може да биде нивното.