Гласањето во Црна Гора заврши, Првичните реаултати покажуваат дека Мило Ѓукаовиќ е во водство пред Андрија Мандиќ. Се поверојатно е дека силите ќе ги одмеруваат во вториот круг.
Дел од светските медиуми излегоа со анализи за Црна Гора по изборите – Асошиејтед прес пишува дека е неизвесно дали оваа мала земја-членка на НАТО ќе го деблокира патот кон ЕУ или ќе ги подобрува релациите со Србија и со Русија.
Актуелниот шеф на државата Мило Ѓукановиќ ги прикажа претседателските избори како избор помеѓу независна Црна Гора и земја контролирана од Белград и Москва.
Неговиот главен политички опонент, Андрија Мандиќ пак од партијата Народен фронт, кој беше обвинет дека е дел од обидот за државен удар организиран од Русија во 2016тата, се обиде да се претстави како личност која помирува за време на кампањата, велејќи дека негова главна цел како претседател ќе биде да го премости црногорскиот јаз.
